Juristja Anila Rezhda, jeton dhe ushtron profesionin e saj në Selanik, Greqi. Profesionistja shqiptare tregon për situatën e pandemisë dhe heqjen e masave kufizuese në vendin fqinj. Rezhda thekson se situata në Greqi po përmirësohet dhe pritet të vaksinohen mbi 5 milion individë, deri në qershor të vitit 2021.

“Në 14 maj hapen kufijtë, nga sot (5maj) orari policor shkon në orën 23:00. Kemi mundësi të lëvizim nga bashkia në bashki, mundësi të cilën nuk e kishim dhe jemi në pritje të lëvizjes nga qyteti në qytet. ”, – shprehet ajo.

Përsa i përket pushimeve të verës, Rezhda thotë se këtë vit nuk do të nxitet dhe turizmi vendas ku qeveria jep 200 euro për çdo familje për ti bërë pushimet ku të dojë.

“Këtë vit pushimet nuk kanë të bëjnë me atë klasike, do shkoj do zgjedh vendin etj. Absolutisht, këtë vit qëllimshmëria e njerëzve është të shkojë pranë detit e pranë diellit. Nevoja jetike nuk është të përzgjedh destinacionin po të ngopen me ajër, det e shoqëri. Prandaj besoj se do ketë dhe turizëm të brendshëm, qeveria greke jep 200 euro për të gjitha familjet për të nxitur këtë turizëm të brendshëm”, tha ajo.

Përsa i përket shqiptarëve që duan të shkojnë në Greqi ajo tha se masat që ishin deri më 3 maj, shkon deri në datën 14 maj që është dhe hapja e turizmit në Greqi dhe priten njoftime të reja.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.