Një ndër periodikët e shumë të botuar në Diasporë ishte edhe “LEGA ALBANESE” (Lidhja shqiptare). Kjo gazeta botohej në gjuhën italiane, por synimi i saj ishte të informonte Diasporën kudo ndodheshin me ato që ndodhnin në Shqipëri.

Ishte një gazetë periodike e cila shërbente si udhërrëfyes i lëvizjes kombëtare shqiptare. “Lega Albanese” ishte e përkohshme politike, shoqërore e kulturore në gjuhën italiane me drejtues Orazio Iriani në Buenos Aries. Numri i parë doli më 27 shkurt 1907.

“Kush blen një gazeta, jep një kontribut sipas mundësisë dhe dëshirës”, shkruhej në hyrje të gazetës, sepse kontributi i cdo blerësi do të ishte mundësi për të vijuar botimin e gazetës.

“Kjo gazeta synon të jap informacion mbi situatën në Shqipëri, me qëllimin për të bërë bashkë shqiptarët e Diasporës pa dallim feje dhe vendi, por me një qëllim të vetëm për të mbrojtur tokën e pellazgëve.”

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.