Komuna e Gjakovës, ka planifikuar të bëjë një investim në shtëpinë e nënës së Nënës Terezë, në Novosellë, që gjendet në afërsi të këtij qyteti. Kulla që besohet të jetë e vjetër më shumë se 200 vjet, do të shndërrohet një pjesë në bujtinë, e tjetra në muze ku do të vendosen të dhëna për Nënën Terezë e familjen e saj.

Sipas familjes që tash ndanë të njejtin oborr me kullën, vizitorë ka vazhdimisht, teksa shtëpia ka nisë të shkatërrohet për shkak të kushteve natyrore.

Për fillimin e punimeve janë destinuara 30 mijë euro, 20 prej të cilave janë fond i fituar.

Në shtëpinë në Gjakovë kanë jetuar familjarë të Nënë Terezës. Më vonë shtëpia për disa vite mendohet se është përdorur edhe si shkollë për fëmijët. Më kalimin e viteve shtëpia nisi të rrënohej, por tani është miratuar një fond për ta kthyer atë në bujtinë dhe galeri.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.