Dëshmitë e protagonistëve të eksodit të 30 viteve më parë vijnë në videon e postuar nga ministrja e Europës dhe Punët e Jashtme Olta Xhaçka.

“Këto pamje që tronditën botën mbarë, janë ngulitur fort në kujtesën e të gjithë atyre që i jetuan. Shumëçka ka ndryshuar nga ajo kohë. Shqipëria nuk është ajo e 30 viteve më parë. Komuniteti shqiptar në Itali është sot një histori suksesi. Por ajo që s’ka ndryshuar është ndjenja e mirënjohjes për Italinë e popullin italian që hapën dyert në orën tonë të dëshpërimit”, shkruan vetë ministrja.

Saimir Pirgu sot një tenor me famë botërore, në dëshminë e tij thotë se shkoi në Itali me ëndrrën e tij për tu bërë tenor dhe sot ia ka dalë.

Ermir Lushnjari një avokat sot në Itali thotë se atje ka realizuar objektivat e jetës së tij.

“Vendet tona të lidhura në marrëdhënie historike, të ngushtë dhe dinamike gëzojnë një komunitet qytetarësh të rinj italo-shqiptarët të lindur nga bashkëjetesa e këtyre 30 viteve”, thotë ambasadorja shqiptare në Romë, Anila Bitri.

“Unë nuk kisha ndonjë ëndërr kur erdha këtu, jam rezultat i ëndrrave të prindërve të mi. Jam aktor sot, punoj në kinema dhe teatër dhe mendoj që jam djalë shumë me fat. Rruga që kanë bërë prindërit e mi me mua kur isha i vogël na ka sjellë deri këtu sot”, thotë aktori Aleksandro Mehmetaj

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.