Duke filluar nga e hëna, 1 mars, një departament i ri do të hap dyert për lëshimin e lejeve të qëndrimit për investitorët e qytetarëve të vendeve te treta në ndërtesën e Ministrisë së Emigracionit dhe Azilit.
Qëllimi i këtij departamenti është të forcojë imigracionin e ligjshëm dhe të tërheqë investime të reja me përfitime të dukshme për ekonominë greke, kjo duke ofruar shërbim të menjëhershëm dhe më të mirë për qytetarët e vendeve të treta që duan të aplikojnë për një vizë investimi (golden visa).
Ndërkaq, reagimi i të gjitha komuniteteve emigrante në Greqi, plotësisht në konsensus ka qenë i menjëhershëm. Siç theksojnë dhe përfaqësues të komunitetit shqiptar në Greqi, po plotësohet një vit nga bllokimi i shërbimeve dhe procedurave në Qendrat e Shërbimit të Emigrantëve, ku legalizohen mbi 500.000 emigrantë ekonomikë, taksapagues dhe fuqi e llogaritur ekonomike e Greqisë. Plotësohet në fillim të Marsit një vit me pengesa, shtyrje dokumentash në vendime pa impakt në gjithë sistemin publik grek, bllokim shërbimesh, humbje të drejtash bazë e të paguara shtrenjtë, pamundësi sqarimesh e ecurie të dokumentacionit, për banorë të përhershëm të Greqisë, nga 20 vjet e lartë. E këto momente kritike, ministria e Emigracionit të Greqisë nga njëra anë publikon statistika që dhe vetë punonjësit e shërbimeve vënë në dyshim vërtetësinë, nga ana tjetër, inagurojnë salla komode për shërbimin e të numëruarve në gishta e në fakt të ashtuquajtur investitorë.
Deklarata e plotë e ministrisë greke së Migracionit dhe Azilit: