Edicioni i këtij viti i “TeatriInScatola” në Itali do të bëhet online për shkak të situatës së pandemisë.

Shfaqjet teatrale do të jenë një përbërje spektali teatral në video por eventi do të vendoset në skenë pa publik dhe do shihen në kohë reale në internet.

Më 26 shkurt, të premte do të transmetohet në orën 21.30 Aleksandros Memetaj me shfaqjen “Shqipëria shtëpia ime”, një shfaqje që ka fituar disa çmime të rëndësishme. Ajo tregon historinë e fatevee të kryqëzuara të një babai dhe djali mes Italisë dhe Shqipërisë.

Në fillim të viteve ’90 me rënien e regjimit komunist në Shqipëri mijëra njerëz u larguan drejt Italisë e mes tyre dhe Aleksandër Toto, 30-vjeçar që arratiset nga Vlora në bordin e peshkarexhës “Mirëdita” dhe arrin Brindisin. Në atë peshkarexhë ishte dhe Alesandros Memetaj një foshnjë 6 muajshe. “Shqipëria shtëpia ime” është një histori e një biri që rritet larg vedlindjes, në Veneto, vend që nuk do i japë kurrë përkatësi të plotë dhe një babai, me sakrificat e bëra, dhe rreziqet që kalon që i biri të mos rritet në varfëri në një shtet (komunizmi)që tashmë nuk ekziston më. Fatet e të dy Aleksandërve do të kryqëzohet disa herë në histori derisa krijojnë një mendim të vetëm.

Kjo shfaqje e interpertuar nga Aleksandros Memetaj me regji të Giampiero Rappa ka fituar çmimin “Premio Museo Cervi”, Teatri për Kujtesën në 2016 dhe çmimin “Avanguardie”.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.