Sulmuesi i Kombëtares, Armando Broja është duke kaluar një moment fantastik te skuadra e Viteses në kampionatin holandez. 19-vjeçari gjeti rrugën e rrjetës në minutën e 4-t të sfidës që është duke u luajtur ndaj gjigantëve të PSV-së.

Broja ka shënuar një gol fantastik duke kaluar në avantazh skuadrën e tij, në një transfertë tepër të vështirë, përballë një ndër skuadrave më të mira të kampionatit.

Ky ishte goli i tetë në kampionat për sulmuesin e Kombëtares, i cili është shndërruar në një lider te Vitese.

Sulmuesi shqiptar nënshkroi kontratën e tij të parë profesionale me Chelsea në janar dhe ka qenë pjesë e moshave të bluve të Londrës që në moshën 8 vjeç. Performancat mbresëlënëse me akademinë e klubit e shtynë Frank Lampard ta ftonte në ekipin e parë, ku u stërvit dhe debutoi në Premier League (në “Stamford Bridge”) kundër Evertonit, në mars.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.