Këshilli Koordinues i Diasporës, duke e konsideruar kohën e shkurtër në dispozicion për realizimin e kuadrit të nevojshëm ligjor për realizimin e votës së Diasporës për Zgjedhjet e përgjithshme Parlamentare të 25 Prillit 2021 në Shqipëri ka shtuar presionin mbi organet përgjegjëse. Nëpërmjet një thirrje publike ka ftuar ditën e hënë, datë 22 Shkurt 2021, në orën 18:00, në një takim virtual të gjitha palët e përfshira në procesin e realizimit të votës së Diasporës me qëllim për të zhbllokuar ngërçin e konstatuar në proçes. KKD ka ftuar të bëhen pjesë e këtij takimi online Kryetarin e Komisionit Qendror të Zgjedhjeve Z.Ilir Meta, President i Shqiperisë Z. Edi Rama, Kryeministër i Shqiperisë Z. Lulzim Basha Kryetar i Partisë Demokratike Znj. Monika Kryemadhi, Kryetare e Partisë Lëvizja Socialiste për Integrim Z. Pandeli Majko, Ministër i Shtetit për Diasporën Znj. Erinda Ballanca, Avokate e Popullit Z. Bledar Milaqi, bashkëthemelues i Lëvizjes “Diaspora për Shqipërinë e Lirë” Z. Lirim Krasniqi, Drejtor Ekzekutiv i Germinit Z. Marin Nati, përfaqsues i Shoqatës së Avokateve Shqiptaro-Kanadez Përfaqësisë së OSBE-së në Shqipëri, Ambasador Vincenzo Del Monaco.
Afati i fundit ligjor për hyrjen në fuqi të Kodit Zgjedhor ka datën 20 shkurt. Pra deri në datën 20 shkurt, KQZ duhet të nxjerrë aktet nënligjore dhe të plotësojë të gjitha detyrat që i detyron zbatimi i Kodit Zgjedhor.
