Vota e shtetasve shqiptare me banim jashtë vendit duket se do të mbetet me një zgjidhje në moment të fundit. Kur na ndajnë 70 ditë nga nga data e votimit vetëm 800 shqiptarë me banim jashtë vendit janë rregjistruar nga 1.6 milion të tillë, të cilët jetojnë jashtë territorit të Shqipërisë. Për Top Channel Eridian Salianji, përfaqësues ligjor i PS në KQZ tha se: “Që procesi të eci përpara janë disa akte në KQZ që kërkojnë miratim të votës së cilësuar. Në qoftë se opozita nuk do pranojë ky proces për mua do të ketë pikëpyetje”.

Ndërsa përfaqësuesi ligjor i PD-së në KQZ, Ivi Kaso po për Top Channel u shpreh se: “Përpara se të akuzojnë opozitën duhet tu vijë turp nga sabotimi që i kanë bërë në këto 8 vite të drejtës së emigranteve dhe me pas të merren me opozitën”.

Ndërsa Salianji u shpreh i gatshëm për të pranuar propozimet e PD për votën e shtetasve shqiptar jashtë vendit. “Në qoftë se është ky pretendimi opozita të sjelli një akt në KQZ si e mendon ajo votën e emigrantëve dhe e miratojmë atë akt sipas mendimit të opozitës” tha ai.

Ndërsa për Kason procesi është në një pikë të tillë: “Ku jemi para kushteve që nuk ka asnjë lloj garancie, së pari për mënyrën e votimit të këtyre shtetasve dhe aq me pak për mënyrën e administrimit të vullnetit të tyre. Nuk do të pranojmë për këtë proces asnjë garanci më pak sesa kanë të gjithë zgjedhësit e tjerë në republikën e Shqipërisë” tha ai.

Ndërsa Salianji theksoi se: “Nuk besoj se procese të cilat ndikojnë në rezultatin e zgjedhjeve bëhen pa konsensusin e opozitës. Shpresojmë në një zgjidhje të momentit të fundit, besoj që zgjidhjet politike jepen gjithmonë në moment të fundit”, përfundoi Salianji.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.