Në ditën e fundit të fushatës zgjedhore Vjosa Osmani ka qenë e ftuara e Christiane Amanpour në CNN ku ka folur për rolin e gruas në politikë dhe arsyet se përse po kandidon për presidente.
Christiane Amanpour: Mirë se rdhe në program është një gjë e mirë të të kem ne program. Në vijim të asaj që po bisedoja me të ftuarit e mëparshëm do të doja të pyesja për gratë që kanë kapur majat. Kosova ka pasur një presisente grua më parë por ti je një brez tjetër, një brez i ri.
Si ishte për ty të ngjisje malin e quajtur politikë
Vjosa Osmani: Faleminderit, është një nder për mua të flas me dikë që ka raportuar nga Kosova kur ne të gjithë po kalonim momentet tona më të errëta dhe që gjithashtu vuri jetën në rrezik për të treguar të vërtetën. Momentalisht po flas nga fugoni i fushatës, gjendemi në Mitrovicë, në qytetin tim të lindjes, ku gjithashtu ke raportuar në të kaluarën. Po dëgjoja të ftuarit e mëparshëm të flisnin për gra që gjithashtu më kanë frymëzuar. Kosova për dekada ka qene një shoqëri patriarkale por ne kemi punuar shumë dhe fort, brez pa brezi, jo vetëm për të pasur role drejtuese por gjithashtu edhe ti japim zgjidhje edhe shumë problemeve që të gjitha gratë, përfshirë edhe ato që nuk janë pjesë e politikës, përballen. Përfshirë këtu fuqizimin e rolit të gruas në ekonomi, dhuna ën familje etj. Dhe tani ne kemi 30% të parlamentit gra, por që po punojmë për të pasur më shumë deri në barazi të plotë.
Christiane Amanpour : Përtej barazisë gjinore cilat janë problemet që hasni njerëzit në Kosove, nevojat që kanë njerëzit aty, nevojat e brezit të ri. Ju po insistoni në një platformë reformash, për antikorrupsionin etj. Të lutem me thuaj çfarë po e pengon Kosovën që të arrijë potencialin e saj dhe të ndalojë një Brain drain të konsiderueshëm.?
Vjosa Osmani: Kosova ka kaluar nga lufta në luftë dhe problemet me të mëdhaja me të cilat po përballemi janë krimi dhe korrupsioni . Unë se bashku me Albin Kurtin kemi hipur në një anije të përbashkët, ku ai kandidon për kryeministër, e unë për presidente. Nëse pyesni cilindo qytetarë të Kosovës, të çdo poli ata qofshin do t’ju tregojnë dy probleme. I pari është nevoja për të luftuar korrupsionin dhe i dyti është vende pune. Është pikërish ky korrupsion i madh që është ngritur përgjatë viteve që ka penguar progresin në çdo fushë tjetër , sidomos për krijimin e vendeve te punës për brezin e ri ose për rritjen e kapaciteteve për përmirësimin e sistemit arsimor dhe shëndetësor. Pra ne na duhet të ndryshojmë plotësisht mendësinë e qeverisjes. Një nga shtyllat kryesore të platformës tonë është procesi i vetingut, sikurse janë edhe institucionet e sigurisë. Qytetarët e Kosovës meritojnë më shumë sesa një sistem të korruptuar, sidomos brezi i ri, i cili fatkeqësisht së fundmi kërkon mënyra për tu larguar nga Kosova. Kështu që është obligimi ynë, përtej të qenit politikan, si qënie njerëzore të bëjmë çdo gjë që mundemi që të krijojmë një prespektivë për brezat e rinj në Kosovë. Në mënyrë që vendi i punës të fitohet me meritokraci, ku ka drejtësi për të gjithë dhe ku politikanët nuk janë mbi ligjin dhe trajtohen ndryshe nga qytetari normal. Këto janë disa nga arsyet se përse në po garojmë në këto zgjedhje, dhe po marrim mbështetje nga qytetarët e Kosovës, mbështetje e cila shpresoj të formalizohet më 14 shkurt, ditën kur do ti drejtohem kutive të votimit.
Kosovo’s acting president @VjosaOsmaniMP is running on a joint anti-corruption ticket in this Sunday's elections, and she argues that "this huge wall of corruption" is the biggest problem facing her country. pic.twitter.com/nA4pESoOsP
— Christiane Amanpour (@camanpour) February 12, 2021
