Gazmir Balliu, mjeku shqiptar në Angli, në një intervistë tregon për situatën e koronavirusit dhe masat e marra nga autoritetet në Britani.

Gjithashtu ai flet edhe për mutacionet e reja të virusit si dhe procesin e vaksinimit.

“Situata vazhdon të jetë e vështirë, numri I të infektuarve është i lartë. Numri i të shtruarve në spital vazhdon të mbetet i lartë, rreth 30 mijë të shtruar, si dhe fatkeqësisht numri i vdekjeve është i lartë, një tragjedi për një shtet të zhvilluar si Britania. Virusi i ri është më infektues dhe shpërndahen më shpejt. Gjithashtu moshat e reja janë bartës të këtij virusi. Mutacioni nuk është më vdekjeprurës, por shtimi I shtrimeve në spital sjell komplikacione. Në Britani momentalisht jemi të mbyllur, njerëzit janë të udhëzuar të qëndrojnë në shtëpi, shkollat dhe universitetet janë të mbyllura. Udhëzimi zyrtar është që të udhëtojnë vetëm ata që janë të detyruar për punë. Procesi i vaksinimit është lajmi më i mirë në Britani, sepse procesi vazhdon të jetë në ritme shumë të larta, llogariten rreth 500 mijë të vaksinuar në ditë. Deri në fund të shkurtit mendohen të jenë vaksinuar 15 milion persona. Të trija vaksinat e aprovuara njihen si vaksina efektive”, shprehet Balliu për Report Tv.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.