Kur nuk është bërë ende një javë nga nisja e iniciativës “Dhuro Libra” për shtetasit shqiptar që vuajnë heqjen e lirisë në burgjet e Italisë dhe Greqisë, pranë ambienteve të Agjencisë Kombëtare të Diasporës dhe Qendrës së Botimeve për Diasporën janë dhuruar më shumë se 7 mijë libra, nga shtëpi botuese, institucione dhe individë të ndryshëm.

Gjatë ditës së sotme kanë mbërritur në ambientet e Qendrës së Botimeve për Diasporën librat e dhuruar nga shtëpitë botuese “Toena”, “Pegi”, “Ideal”, dhe ”Albas”. Bëhet fjalë për libra artistikë dhe tematikë të cilat do të dërgohen në institucionet e vuajtjes së dënimit në datë 21 shkurt, Ditën Ndërkombëtare të Gjuhës Amtare.

Librat e dhuruar do të shërbejnë për krijimin e një fondi me libra shqiptarë në institucionet e vuajtjes së dënimit në Greqi dhe Itali.

Nëse dëshironi të bëheni pjesë e kësaj nisme dhe të dhuroni libra mund të kontaktoni në adresën [email protected]

Mund të dhuroni libra artistikë, tematik etj. Nuk ka asnjë limit për numrin e librave të dhuruar.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.