Në Livorno të Italisë ekipi i ASL ka nisur vaksinimin në shtëpitë e të moshuarve. Në procesin e vaksinimit të 13 të moshuarve të pare, pesë prej tyre kishin hezitime dhe ekipi i mjekëve dhe infermierëve vendosën të mos e aplikojnë vaksinën pa dëshirën e tyre.

Pjesë e ekipit mjekësorë janë edhe dy shqiptare, infermiere Denise Dani dhe Besjona Puta, mjeke Kirurge në formim, në vit të fundit të specializimit për Kirurgji Vaskulare, në Pisa, Itali. Prej 16 nëntorit 2020 është pjesë e ekipit mjekësor USCA për menaxhimin e pacientëve të brishtë (në moshë të thyer dhe pacientëve me handikap të ndryshëm) Covid pozitiv që jetojnë në struktura shtetërore RSA në Livorno, Itali.

Ajo që tregoi një vendosmëri të madhe duke motivuar kështu edhe të tjerët për tu vaksinuar ishte 80 vjeçarja Luciana Marchetti.

E ulur në poltron, Luciana Marchetti buzëqesh dhe thotë “Jam e emocionuar, por e bindur. Fëmijët e mi Francësco dhe Stefano Bertoncini më kanë shpjeguar rëmdësinë e vaksinës dhe ja ku jam, e gatshme për tu vaksinuar.” Më pas e motivuar nga Muciana, vaksinën ka vendosur ta marrë edhe Carla Bambina, 91 vjeç.

Procesi i vaksinimit në Itali vazhdon dhe kategoritë e para që janë vaksinuar kanë qenë mjekët, infermierët, të moshuarit.

Kujtojmë se dy ditë më parë Italia ka prezantuar rezultatet e para të vaksinës së saj antiCOVID ReiThera. Vullnetarët e regjistruar në fazën e parë ishin 100, 45 u vaksinuan me doza të ndryshme dhe në përfundim të fazës së parë u tregua se 92.5% zhvilluan antitrupa.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.