Këshilli Kombëtar i Trashëgimisë Kulturore Jo Materiale miratoi katër “dukuri” të denja për t’u kandiduar në Listën e Trashëgimisë Jonateriale Botërore, nën mbrojtjen e UNESCO-s. Bëhet fjalë për: -“Kcimi i bjeshkës me tupan i Tropojës” -“Rituali i lashtë i shtegëtimit të bagëtive” -“Xhubleta si teknologji dhe dijebërje artizanale unikale dhe format e përdorimit të saj-“Kcimi i Logut” etj.” -“Eposi i Kreshnikëve i kënduar dhe shoqëruar me lahutë” Tashmë po punohet për plotësimin e dosjeve, në mënyrë që të mund të kapim afatet e kandidimit.
Dy studiueset Dr. Dorina Arapi dhe Dr. Silvana Nini të Qendrës së Studimeve dhe Publikimeve për Arbëreshët, janë gjithashtu pjesë e grupit të punës për përpilimin e dosjes për përfshirjen e xhubletës në listën e pasurive të mbrojtura nga UNESCO.
Ky angazhim është në vazhdën e angazhimeve të mëparshme të të dyjave studiuesve në fushën e etnografisë dhe të antropoligjisë kulturore. Së shpejti pritet të dalë nga botimi monografia e Dr. Silvana Ninit: “Një rrugëtim etnografik mbi veshjet e arbëreshëve të Italisë së jugut. Shoqëruar me vizatime të veshjeve”. Sipas vendimit të Këshilli Kombëtar i Trashëgimisë Kulturore Jomateriale, “Xhubleta si teknologji dhe dijebërje artizanale unikale dhe format e përdorimit të saj-‘Kcimi i Logut’, etj.”, veshje tradicionale e Shqipërisë së Veriut, ka nisur zyrtarisht rrugëtimin e saj që të jetë kandidate për t’u përfshirë në Listën e Trashëgimisë Jomateriale Botërore, nën mbrojtjen e Organizatës për Edukim, Shkencë dhe Kulturë e Kombeve të Bashkuara, ‘Unesko’. Tashmë, grupi I punës është duke përgatitur dosjen e aplikimit dhe të regjistrimit të xhubletës si pjesë e trashëgimisë jo-materiale shqiptare në listën e pasurive botërore të njerëzimit. Xhubleta, kjo veshje tradicionale shqiptare, e cila ka shfaqur interes studimi për studiues vendas dhe të huaj.
