Përfaqësues të komunitetit shqiptar në Greqi kanë vijuar takimet me në fokus zgjidhjen e probleme të ndryshme që lidhen me shtetasit shqiptarë në Greqi.
Takimet janë realizuar në mënyrë virtuale, po ashtu edhe ne ambientet e Ambasadës së Republikës së Shqipërisë në Athinë, duke respektuar masat anti-COVID.
Ministri Këshilltar i Ambasadës Aleks Jaso dhe Oficerja Koordinuese për Diasporën Joneda Dodaj, pritën dhe komunikuan drejtë për drejtë me përfaqësuesit e komunitetit, me të cilët biseduan në lidhje me problematikat e identifikuara dhe zgjidhjen e mundshme të tyre në funksion të bashkëpunimit dypalësh.
Në fokus të takimeve të mbajtura është diskutuar mbi informimin e problematikave të komunitetit shqiptar në Greqi, shkëmbimi i pikëpamjeve të palëve mbi zgjidhjen e problematikave, si dhe perspektiva dhe zhvillimi i komunitetit shqiptar në Greqi.
Gjithashtu një temë mjaft e trajtuar ka qenë edhe ajo e mbrojtjes dhe ruajtjes së gjuhës shqipe, traditave dhe vlerave kulturore.
Përfaqësues të komunitetit shqiptar në Greqi në takim me Ministrin Këshilltar të Ambasadës Aleks Jaso dhe Oficerja Koordinuese për Diasporën Joneda Dodaj kanë trajtuar ccështjen e intensifikimi të bashkëpunimit me institucionet e shtetit amë dhe pritës për lehtësimin e problematikave të komunitetit.
Në këto takime kanë marrë pjesë: Jovan Mëhilli, Kryetar i shoqatës ‘‘Lushnja’’ dhe Etmond Guri, sekretar i shoqatës.
Kristiana Veliu, Kryetare e shoqatës ‘‘Emigranti’’ në Patra dhe mësuese vullnetare në shkollën shqipe ‘‘Naim Frashëri’’, dhe Iliaz Bobaj, shkrimtar, akademik, drejtues dhe mësimdhënës i shkollës shqipe ‘‘Naim Frashëri’’.
Eda Pani, Kryetare e shoqatës kulturore ‘‘Përmeti’’, Niko Curri, Kryetar i shoqatës kulturore “Vëllazërimi’’ dhe Aggelos Golemi, anëtar i shoqatës dhe Kryetar i grupit polifonik ‘‘Vëllazerimi’’. Fatos Malaj, Kryetar i OJQ-së “Arogi”, specialist në tema migracioni dhe ndërmjetës ndërkulturor në Drejtorinë e të Huajve dhe Emigracionit Athinë, Jovan Prifti, Kryetar i shoqatës “Korinth”. Pëllumb Alikaj, Kryetar i shoqatës ‘‘Labëria’’, Emanuil Neti, Kryetar i shoqatës ‘‘Lunxhëria’’
Përfaqësuesit e Ambasadës kanë shprehur gatishmërinë dhe angazhimin e tyre për t΄i ardhur në ndihmë komunitetit shqiptar në Greqi duke u bëre një ure lidhëse midis shqiptarëve dhe shtetit amë.
Theksohet se këto takime janë në vazhdim të ciklit të takimeve që po mbahen me përfaqësues të komunitetit shqiptar anembanë Greqisë’.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
