Mjeku i njohur shqiptar në Milano, Albert Troci flet për situatën e krijuar në Itali dhe masat e reja të vendosura nga qeveria e Kontes.

Troci thotë se vendi është ndarë në tre zona, të kuqe, të verdhë dhe portokalli, në bazë të rrezikshmërisë së infektimit.

Sipas tij, masat e marra nga autoritetet ishin të nevojshme për shkak se numri i rasteve është rritur ndjeshëm dhe sistemi shëndetësor nuk mund ta përballojë një fluks të tillë.

“Italia është ndarë në tre shtresa. Zona e kuqe, portokalli dhe e verdhë. Kemi pasur një ndarje me shumë shqetësime dhe protesta dhe për futjen dhe mënyrën e ndarjes së zonave. Dje u treguan 21 indikator për ndarjen në këto zona. Të kuqet nuk kemi shtrëngim si në Mars, por me light (lehtë) ku një person ka mundësi të lëviz kur ka nevojë për të kryer diçka jetësore. Shkollat deri në klasë të 7-të janë të hapura dhe në zonat e kuqe. Kurse të tjerat po zhvillohen në distancë. Mund të themi që kjo ishte e nevojshme sepse po jetojmë një kolaps.”, tha mjeku.

Madje, mjeku Troci thotë se me këtë situatë edhe gjurmimi është bërë i vështirë. “Në këto momente gjurmimi i kontakteve ka dalë jashtë dore, nuk arrijmë të bëjmë kontaktet. Numri dhe prezenca në terren është aq e madhe saqë është e pamundur të bësh gjurmimin e kontakteve. Pavarësisht numrit të lartë të tamponeve vetëm dje janë kryer 220 mijë tampone, kontaktet janë humbur”, tha më tej mjeku