Ambasadas shqiptare në Britaninë e Madhe ka njoftuar se se të gjitha aplikimet për pasaportë dhe kartë identiteti të kryera në faqen zyrtare e-Albania për Zyrën Konsullore në Londër, do tu caktohet një datë takimi brenda 2-3 ditëve pune. Sipas ambasadës qytetarët duhet të kontrollojnë postën elektronike, adresën e së cilës  kanë deklaruar gjatë plotësimit të aplikimit, pasi mesazhi elektronik dërgohet automatikisht aty nga sistemi.

Njoftimi i plotë:

Të nderuar bashkatdhetarë,

Ju njoftojmë se të gjitha aplikimet për pasaportë dhe kartë identiteti të kryera në faqen zyrtare e-Albania për Zyrën Konsullore në Londër, marrin datë takimi brenda 2-3 ditëve pune.

Jeni të lutur të kontrolloni postën tuaj elektronike, adresën e së cilës e keni deklaruar gjatë plotësimit të aplikimit, pasi mesazhi elektronik dërgohet automatikisht aty nga sistemi.

Kujdes! Mesazhi që ju vjen për datën e takimit mund të gjendet edhe në opsionin e mesazheve SPAM mail ose JUNK mail dhe për këtë arsye duhet të tregoni vëmendje gjatë kontrollit të e-mailit tuaj.

Shtetasit shqiptarë që kanë aplikuar për pasaportë dhe kartë identiteti dhe që tashmë kanë humbur datën e takimit kanë mundësi të paraqiten në Zyrën Konsullore çdo të martë ose çdo të enjte në orarin 09:00 – 14:00.

Kujdes!! Pagesa duhet të kryhet vetëm online në numrin e llogarisë: 13010749 dhe Sort Code: 23-05-80 (METRO Bank). Ac. Name: Embassy of the Republic of Albania dhe për referencë duhet të shënoni emrin dhe mbiemrin e personit që do të pajiset me pasaportë. Kjo pagesë duhet të ruhet me screenshot në telefonin tuaj, të cilin duhet ta keni me vete në mënyrë që ta paraqisni në ditën e takimit.

Ju falenderojmë dhe mirë se të vini.