E diela e dytë e muajit tetor në Amerikë, por tashmë edhe në shumë vende të tjera në botë njihet si “Dita Ndërkombëtare e Vajzave”.

Në Kuvendin e Kosovës me rastin e kësaj date të shënuar u organizua një mbledhje, ku Kryetarja e Kuvendit të Kosovës, Vjosa Osmani, njoftoi se këngëtarja e njohur me origjinë shqiptare Rita Ora ka nisur një mesazh për të gjitha vajzat shqiptare.

Ja çfarë thuhej në mesazhin e njërës prej shqiptareve më të njohura në botë: “Përshëndetje. Jam Rita Ora. Pavarësisht se vendos të bëhesh këngëtare, balerin, atlete, piktore, aktore apo shkencëtare, mjeke, ti duhet të zgjedhësh rrugën që do të ndjekësh. Kjo i ndihmon vajzat dhe gratë në Kosovë dhe në mbarë botën të besojnë tek vetja dhe të kuptojnë që i kanë aftësitë, njohuritë e duhura dhe fuqinë për të zgjedhur të ardhmen e tyre. Unë i jam shumë mirënjohëse familjes time dhe shoqërisë që më kanë mbështetur në përzgjedhjen time në karrierë deri këtu ku jam. Çdo ditë bëj sakrifica dhe planifikoj të vazhdoj kështu në mënyrë që të frymëzoj dhe motivoj jo vetëm veten, por shpresoj dhe shumë vajza gjithandej. Vazhdoni përpara dhe sundoni botën në mënyrën tuaj. Dhe mbani mend ju keni fuqinë për ta bërë këtë”.