Denis Ndriollari, 24 vjeç, e lindur në Itali me origjinë shqiptare është një valejbolliste e njohur në vendin ku jeton. Ajo ka dëshirë që në të ardhmen të shikojë mbiemrin e saj shqiptarë në fanellën blu të kombëtares italiane, por është e vetëdijshme që konkurrenca është shumë e madhe. Në një intervistë për portalin italian Nuoveradici.world volejbollistja shqiptare flet për origjënën e saj dhe pasionin për sportin.
Ndriollari, një mbiemër që nuk ngjason shumë si italian …
“Të dy prindërit e mi janë shqiptarë, të cilët mbërritën në Itali në 1991. Unë kam lindur këtu, menjëherë kam marrë nënshtetësinë. Atëherë ishte më lehtë se sot, shumë më lehtë. Sot në Itali është shumë e komplikuar të jesh në gjendje të marrësh të drejtën e shtetësisë. Prindërit e mi më thanë se duhet të prisnin vite për ta marrë atë. Sot ka me të vërtetë procese të trazuara. Në rastin tim personal ishte më lehtë, pasi kisha lindur këtu, por ato ishin kohë të tjera”
Italiane me mbiemër shqiptar. Ishte e vështirë si fëmijë në fund të viteve nëntëdhjetë? Po kur u rrite?
Në fëmijë e kam ndjerë më shumë. Mbiemri im zgjonte kuriozitet dhe filluan të më identifikojnë si “shqiptarja” dhe më ngacmonin duke më quajtur “shqiptarja, shqiptarja..”.
Si nisët të merreshit me sportin e volejbollit?
Le të them se jam bijë e një sportisteje, mamaja ime luante volejboll.
Në ekip keni pasur ndonjëherë probleme me diskriminimin?
Tifozët tanë janë ndryshe nga tifozët e sporteve të tjerë, siç është futbolli për shembull. Vetëm një herë kujtoi një situatë jo të këndshme me një shoqen time me ngjyrë. Në këtë rast albitri e anulloi lojën për disa minuta, më pas tifozët u dëbuan dhe skuadra kundërshtare u ndëshkua për gjestin e tifozëve të saj.
Shkoni në Shqipëri? Keni lidhje me tokën e prindërve tuaj?
Po shkoj, por e ndjej veten më shumë të lidhur me Italinë, sepse kam lindur këtu dhe kam një lidhje më të fortë se sa me vendin tim të origjinës.
Atëherë për të kompletuar lidhjen e fortë me Italinë, ju mbetet vetëm të vishni fanellën blu të kombëtares italiane në volejboll…
Sikur të mundesha… Pavarësisht se kam nënshtetësi të dyfishtë unë për momentin mund të luaj vetëm me ekipe italiane.
