Një konkurs letrat për fëmijë do të bëjë bashkë të gjithë, së paku virtualisht, krijuesit e vegjël në Diasporë. Shoqata kulturore “Korça”, Athinë në bashkëpunim me “Lobi Euroatlantik Shqiptar” dhe “Swiss Albania Event”, organizojnë edicionin e dytë të konkursit për fëmijë, në poezi dhe prozë të shkurtër (përrallë ose tregim).
Shoqata kulturore fton të gjithë krijuesit e vegjël në Diasporë, nga mosha 7 deri në 15 vjeç të marrin pjesë në këtë konkurs letrar, me një ose dy krijime me temë të lirë.
Për ata që duan të aplikojnë krijimet mund të dërgohen në adresën elektronike: [email protected].
Do të ndahen tri çmime në varësi të tri zhanreve letrarë. Krijimet më të mira të edicionit të II të konkursit letrar për fëmijë, do të përfshihen në një Antologjinë letrare, për fëmijë. Gara për konkurimin do të mbyllet më 20 janar, 2021 dhe përzgjedhja për finalistët do të bëhet nga juria e përbërë prej pesë anëtarësh, specialistë në fushën e artit dhe të letërsisë, thuhet në njoftimin e bërë nga vetë Shoqata Korça në Facebook. Shpallja e fituesve do të zhvillohet më 21 Mars 2021.
