Parlamenti ka miratuar sot krijimin e Komisionit të Ri Zgjedhor për zgjedhjet e 2021 dhe Komisionerin e Shtetit, i cili do të jetë Ilirjan Celibashi. Ish-kreu i KQZ dhe ish-ministër i PS për marrëdhëniet me parlamentin, Ilirjan Celibashi merr detyrën e rëndësishme pasi është votuar me shumicë votash nga Kuvendi ditën e sotme. Ai mori 106 vota pro ndërsa kandidati tjetër Ardian Myslimaj mori vetëm 5 vota. Ndërkohë nënkomisionere e KQZ është zgjedhur Lealba Pelingu me 105 vota pro ndërsa Agron Haxhimali mori vetëm 7 vota.
Në detyrën e anëtarit të Komisionit Rregullator të Zgjedhjeve janë përzgjedhur me 107 vota pro: Ilirjana Nano, Dritan Çaka , Arens Çela, Muharrem Çakaj dhe Helga Vukaj. Ndërsa në detyrën e anëtarit të Komisionit të Ankimimeve dhe Sanksioneve janë përzgjedhur me 105 vota pro janë përzgjedhur Ilirjan Rusmali, Elvin Lako, Koli Bele, Elvis Çefa dhe Ledio Braho. Komisioni Qendror Zgjedhor është institucioni përgjegjës për mbarëvajtjen e procesit përgatitor për aplikimin e votës për shtetasit shqiptarë jashtë vendit.
Gjatë seancës së sotme është miratuar edhe ndryshimet në Kodin Zgjedhor, kanë qenë 96 deputetë në Kuvend të cilët kanë votuar pro ndryshimeve në Kodin Zgjedhor.
Me ndryshimet e fundit në Kodin Zgjedhor, Komisioni Qendror i Zgjedhjeve do të jetë fuqiplotë për të nxjerrë aktet e mënyrës së regjistrimit dhe votimit të shtetasve jashtë vendit.
