Emsale Selmani, juristja shqiptare në Zvicër e cila rikandidoi për këshillin e madh bashkiak të komunës Ostermundigen-it në zgjedhjet e 27 shtatorit ka njoftuar fitoren e saj.
“Si asambleiste e Ostermundigenit, unë do të përkushtohem të punoj për barazi dhe drejtësi sociale. Të dyjat janë shtyllat kryesore për një shoqëri funksionale. Do të mbështes çdo qytetar dhe do të jem zëri i të gjithëve.
Emsalja fitoi gjithsej 2172 vota, duke zënë vendin e dytë në listën zgjedhore.
Selmani ka përfunduar studimet Bachelor për Drejtësi në Universitetin e Bernës dhe studimet Master në Universitetin e Fribourgut për të Drejtën Europiane dhe Drejtësi, informon Shtegu.com.
Emsale Selmani për momentin është e punësuar pranë instancave gjyqësore në Kantonin e Bernës.