Dita e parë e në Shkollën Shqipe “Skënderbeu” në Parma nis me himnin shqiptar në sfond.

Më pas në monitorin e klasës u shfaqën shkronjat e parë të alfabetit, ku u vu në dukje nga mësuesit se shkronja e parë e alfabetit është e njëjtë kudo, pra alfabeti fillon me A në shqip, po me A fillon edhe në italisht. Mësuesja i shpjegoi nxënësve në shqip që edhe ky vit nuk do jetë i lehtë për shkak të kushteve të pandemisë, por që ata të gjithë së bashku do mundohen të japin maksimumin.

Më pas ka vijuar normalisht mësimi i gjuhës shqipe nga mësueset shqiptare ku u bë një prezantim i programit të orës vizatimit, ku gjithashtu mësuesja e vizatimit uron një vit të mbarë për të gjithë.

Shkolla shqipe “Skënderbeu”  në Parma këtë vit do të zhvillojë mësimin me tekstet mësimore dhe plotësuese të dërguara falas nga Qendra e Botimeve për Diasporën.

Janë 4480 tekste mësimore që QBD ka dërguar për të gjitha shkollat e mësimit të gjuhës shqipe në Itali.