Ambasada Shqiptarëve në Itali ka njoftuar sot se ka vendosur të zgjas orarin e punës për t’i ardhur në ndihmë të gjithë bashkëatdhetarëve në Itali. Në njoftimin e ambasadës thuhe se:
“Për t’iu përgjigjur kërkesave tuaja për rinovimin e pasaportave dhe kartave të identitetit, për shërbime të tjera konsullore, si dhe rastet me natyrë urgjente që kërkojnë adresim, Ambasada e Republikës së Shqipërisë në Itali njofton se ka zgjatur orarin e shërbimit për qytetarët në Zyrës Konsullore në Romë.”, thuhet në njoftimin e ambasadës.
Zyra Konsullore do të jetë në dispozicion nga ora 08:00 e mengjesit deri në orën 20:00 të mbrëmjes.
Të gjithë shtetasit që janë njoftuar nëpërmjet e-malit për datën e takimit, u garantohet shërbimi brenda ditës, në datën e përcaktuar.
Gjithashtu, duke synuar kufizimin, në mënyrë të ndjeshme, të kohës së pritjes për marrjen e shërbimit, ambasada bën me dije se kërkon bashkëpunimin e bashkëatdhetarëve lidhur me: Korrektësinë në paraqitjen e dokumentacionit të nevojshëm sipas shërbimit që kërkoni, si dhe pagesat e faturave që duhet të kryen nga shtetasit shqiptarë në Itali paraprakisht në koordinatat bankare që dërgohen në e-mailin tuaj nga nëpunësi konsullor.
Gjithashtu i bëhet thirrje qytetarëve që gjatë zhvendosjes për në Zyrën tonë Konsullore, si dhe në momentin e paraqitjes në mjediset e brendshme të saj, të respektohen me rigorozitet masat parandaluese kundër pandemisë Covid-19.
