Situata e krijuar nga pandemia ka krijuar shumë vështirësi jo vetën në rinisjen e shkollave të gjuhës shqipe , por të sistemit arsimor në gjithë botën. Teksa shumë vende po testojnë formula të ndryshme midis mësimit online, frekuentimit me kohë të reduktuar etj, në varësi të planit të masave të marra nga secili vend,  mësuesit dhe veprimtarët shqiptarë në Zvicër ja kanë dalë që këtë fillim viti akademik jo vetëm të rinisë mësimi por të hapin edhe klasa të reja të mësimit të gjuhës shqipe. Shkolla e radhës që ka nisur aktivitetin, njofton mësuesi dhe koordinatori Vaxhid Sejdiu, është në Rütihof, Zyrih

Pas hapjes së Shkollës Shqipe në Regensdorf, një javë më parë, këtë javë filloi me mësimin në gjuhën shqipe edhe Shkolla në Rütihof, po ashtu në qytetin e Cyrihut. Paralajmërimi i mësuesve të Shkollës Shqipe në Zvicër, “Se do të mundohemi gjithnjë më tepër, të jemi sa më afër fëmijëve shqiptarë, sa më afër prindërve shqiptarë, të cilët dëshirojnë t`i dërgojnë fëmijët e tyre në shkollë shqipe po zbatohet gjithnjë më shumë”.

Për të gjithë prindërit dhe fëmijët që dëshirojnë të ndjekin mësimet e gjuhës shqipe shkolla njofton se mësimi zhvillohet çdo të enjte në Schulhaus Rütihof, prej orës 17.00 – 18.45, në adresën Giblenstrasse 61, 8049 Zürich.  Për informacione më të hollësishme mund të kontaktoni z. Vaxhid Sejdiu – koordinator i shkollë shqipe në Zvicër, Tel.  076 321 26 94  apo në e-mail: [email protected]