Dega e Selanikut të Organizatës “Jeta”, në një ceremoni modeste për shkak të pandemisë ka nisur ditën e sotme zyrtarisht aktivitetin e saj për vitin 2020 -2021.
“Për të 4-in vit rradhazi Organizata “Jeta” dega Selanik, hapi sot sezonin më 27 shtator me një aktivitet të larmishëm. Rëndësia e këtij aktiviteti me kauza dhe mesazhe sensibilizuese për mbrojtjen e gjuhës, identitetit si edhe kundër bullizmit nëpër shkolla, punë e familje. Së fundmi Organizata Jeta në bashkëpunim me komunitetin Egos me qendër në Shqipëri, nis serinë e bashkëpunimeve ku pikësynim do të jetë vepra, për një vlerë më të mirë të realitetit” shkruan në një njoftim në facebook.
Organizata “Jeta” është themeluar në mars të vitit 2016, me synimin për të qenë një komunitet që fokusohet kryesisht në kërkimin, studimin, komunikimin dhe ndërhyrjen në çështjet që i përkasin përmirësimit të cilësisë së jetës së gruas dhe të grupeve delikate të shoqërisë, duke kontribuar kështu në përpjekjet për përmirësimin e mirëqënies sociale, duke ofruar ndihmë në zbulimin dhe komunikimin e çështjeve sociale që u përkasin, qoftë në mënyrë të pavarur, apo ndermjet koordinimit të veprimeve, njohurive dhe të ardhurave me organizma të tjerë për të njëjtin qëllim. Në fokus të saj është mbështetje dhe fuqizimi i gruas dhe të grupeve delikate të shoqërisë, çkanë këto kohë e ka demostruar me aktivitete e shumta që ka organizuar.
Aktualisht Organizata “Jeta” katër degë në Greqi me synimin për të hapur dhe degë të tjera.
Përveç Athinës organizata “Jeta” ka degët e saj në: Selanik, Veria, Patra, Larisa dhe Volos.
