Revista ndërkombëtare e mirënjohur “Time” ka renditur filmin “The Cuban” të producentes dhe aktores shqiptaro-kanadeze, Ana Golja në listën e “17 Filmave më të mirë të kësaj Vere”. Golja, e cila në këtë film është aktore dhe producente është vlerësuar me disa çmime, si në “Lavazza Film Festival” etj. Nëpërmjet një postimi në rrjetet sociale ajo ka treguar se ndjehet e nderuar që është filmi “The Cuban” është vlerësuar si një nga 17 filmat që nuk duhet humbur për t’u parë.
“Krenare për kolegët dhe bashkëpunëtorët e mi. Krijesa jonë po përjeton ditë të bukura”, shkruan Ana Golja në Instagram.
