Libri i parë që një autor arbëresh ka botuar në Shqipëri daton në vitin 1915, kur Shqipëria ishte në prag të njësimit të abetares së gjuhës shqipe. Sipas të dhënave libri është botuar nga Tipografia Italiane e Vlorës ai është një libër jo shumë voluminoz, me autor arbëreshin Marko la Piana.
Libri titullohej “Lingua Albanese – Gjuha shqipe, Sillabario Albanese – italiano con note sulla pronunzia e l’ortografia / Abetar shqyp – italishte me veshtrime mbi shhqypetimmin dhe orthographien. Primo corso/Piesë e parë”.
Ky tekst ishte një abetare e shkruar gjysmë shqip e gjysmë italisht, ku gjuha shqipe paraqitet sipas rregullave të dialektit toskë nga i cili la Piana zgjedh fjalët që tingëllonin më së miri. Ai i referohet botimeve më cilësore të studiuesve shqiptarë dhe arbëreshë, duke u bazuar në tekstet e shkruara, për të mos marrë në konsideratë vetëm gjuhën e folur, çka tregon një shkallë të lartë përgatitjeje shkencore nga autori.
