Kryetari i bashkisë së Horës së Arbëreshëve, Rosario Petta ka sqaruar situatën në lidhje me rastin e raportuar pozitiv me koronavirus para pak ditësh.
Në Horën e abëreshëve, për momentin ka vetëm një rast të konfirmuar pozitiv me koronavirus. Sigurisht ky fakt ka shqetësuar të gjithë komunitetin dhe kryetarin e bashkisë së Palermos, i cili ka lëshuar një urdhëresë që parashikon mbylljen e shkollave në pritje të rezultateve të tamponëve të kryer tek ata persona që ranë në kontakt me të infektuarin.
“Ideja nuk është vetëm tek zbatimi i masës për të mbyllur aktivitetet arsimore deri sa të kemi një evidentim të rasteve, por është një vendim që unë e konsiderova të domosdoshëm dhe të bazuar në një ndjenjë përgjegjësie”, pohon Kryetari i Bashkisë Rosario Petta.
Në Horën e Arbëreshëve ne kemi një qendër rehabilitimi të madhe nëpërmjet së cilës presim shumë njerëz dhe u bëjmë tamponat për të kontrolluar nëse ka përhapje të rasteve.
“Për këtë – vazhdon Petta – duhet të shtojmë se në qytetin tonë kemi student dhe personel të mësimdhënies që vijnë nga zona të nxehta dhe duhet treguar kujdes, ndaj vendimi për mbylljen e shkollave ishte i duhuri. Sapo të kemi rezultatet do të marrim vendimet e duhura, duke respektuar sigurinë dhe mbrojtjen e shëndetit të qytetarëve ”.
*Ndalohet kopjimi, riprodhimi dhe publikimi i materialit pa cituar burimin “Diaspora Shqiptare”.