Ambasada shqiptare në Bullgari nëpërmjet një njoftimi publik ka ftuar të gjithë studentët bullgarë me origjinë shqiptare të aplikojnë për bursa studimi në Shqipëri.
Sipas vendimit të Këshillit të Ministrave, janë nëntë bursat për shtetasit e huaj me origjinë shqiptare për vitin akademik 2020-2021 të cilat përfshijnë mbulimin financiar për tarifën e studimeve, si dhe shpenzimet e akomodimit e të ushqimit për kohëzgjatjen e vitit akademik të cilat do të përballohen nga buxheti i Agjencisë Kombëtare për Diasporën.
Me qëllim mësimin dhe thellimin e njohurive të gjuhës së origjinës do të përfitojnë tre bursa studentët e huaj me origjinë shqiptare nga Ukraina, dy bursa studimi shtetasit e huaj me origjinë shqiptare të komunitetit Arbëresh në Itali, dy bursa studimi shtetasit e huaj me origjinë shqiptare në Kroaci dhe dy bursa studimi shtetasit e huaj me origjinë shqiptare nga Bullgaria.
Njoftimi i plotë:
Me Vendimin nr.686, datë 02.09.2020, Këshilli i Ministrave ka vendosur dhënien e 2 bursave studimi për vitin akademik 2020-2021 për studentët bullgarë me origjinë shqiptare. Bursa e studimit përfshin mbulim financiar për tarifën e studimeve, mësimin e gjuhës shqipe në vitin e parë të studimeve si dhe shpenzimet e akomodimit dhe ushqimit për kohëzgjatjen e vitit akademik.
Kriteret për përfitimin e bursës nga studenti janë:
- të ketë mbaruar arsimin e mesëm me një mesatare të përgjithshme mbi 8 (tetë) ose të barasvlefshme me të;
2. të mos jetë i diplomuar në ciklin e plotë të studimeve universitare dhe të ketë vërtetim nga universiteti për këtë fakt;
3. të jetë student nga komuniteti shqiptar i diasporës dhe që jeton në Bullgari;
4. të jetë student në një nga fushat prioritare të studimit, të përcaktuara në marrëveshje;
5. të jetë pranuar nga një institucion i akredituar i arsimit të lartë në Shqipëri;
6. të ketë një plan pune dhe sktivitetesh kërkimore apo akademike për periudhën e studimeve në Shqipëri.Dokumentacioni i studentit duhet të jetë i legalizuar dhe i përkthyer në gjuhën shqipe nga një përkthyes i licensuar.Për informacione të mëtejshme rreth kritereve dhe kushteve të aplikimit:
