Shënohet viktima e dytë në Greqi, si pasojë e stuhisë që godit gjatë natës ishujt e detit Jon, Peloponezin Perëndimor, Thesalia dhe Kardica. Mësohet se bëhet fjalë për një fermer 63-vjeçar, trupi i të cilit u rrëmbye nga uji për shkak të shirave të furishëm.

Mediat greke raportojnë se pas disa orësh kërkimesh, është arritur të gjendet trupi i paketë i shqiptarit, identiteti të cilit nuk dihet. Trupi i 63 vjeçarit u gjet nga i biri dhe ekipi i zjarrëfikëses pak më parë.

Ndërsa raportohet se ka shpëtuar familja shqiptare që ishte izoluar nga ujërat e rrëmbyer për shkak të motit të keq. Ishin larguar rreth 15 km larg vendit fillestar dhe orët e fundit ishte ndërprerë edhe kontakti telefonik me ta. Shpëtimi u be me varkë dhe prindërit dhe fëmija e tyre 3 vjec nuk kanë probleme.

Gjithashtu raportohet se nga shirat e rrëmbyeshëm është ndërprerë edhe energjia elektrike. Stuhia ‘Ianos’ është përshkruar si uragan mesdhetar.