Testi i shtetësisë në Australi do ndryshoj për herë të pare në më shumë se një dekade. Lajmin e ka bërë të ditur Alan Tudge, ministër për Emigracionin, Shtetësinë, Shërbimet e migrimit dhe Marrëdhëniet Multikulturale.

Në fokus të testit të ri janë vlerat Australiane. Tani nga qytetaret e ardhshëm kërkohet te studiojnë mbi lirinë e fjalës, rëndësinë e demokracisë dhe të drejtat e barabarta gjinore.

Ministri Tudge tha se qytetaret e ardhshëm duhet tu përgjigjen saktë 5 pyetjeve me zgjedhje të shumëfishtë për të kaluar testin.

“Ndryshimi kryesor që ne po e bëjmë të ditur sot është se ne do ti kushtojmë vemendje më të madhe vlerave australiane në testin e shtetësinë. Ajo që dua të theksoj është se ndryshimi do të ndodhë në pyetjet të tilla që kanë lidhje me demokracinë tonë parlamentare, lirinë e fjalës, barazinë gjinore. Testi i ndryshuar do të përfshijë gjithashtu edhe pyetjet si: A jeni të lirë të martoheni me kë të doni? Në Australi ligjet fetare a i tejkalojnë ligjet Australiane dhe a duhet tu sigurohet burrave dhe grave mundësia e barabartë”.

Alan Tudge tha se qytetarët do të kenë mundësi të shkarkojnë një udhëzues të përditësuar, nga i cili mund të studiojnë përpara se të hyjnë në test. Ai tha se testi nuk është gjëja më e rëndësishme.

Ky test është për tu mësuar njerëzve përpara se të bëhen shtetas australian vlerat australiane teksa shtoi se nuk do të ketë ndryshime në pyetjet për gjuhën angleze

Kryeministri  australian Scott Morrisoni tha për televizionin Channel 9 se aftësia për të folur anglisht është e një rëndësie të jashtëzakonshme për australianet. ”Një nga gjërat që mësova kur isha ministër i emigracionit ishte që shanset e punësimit të njerëzve, sikurse janë emigrantët, në Australi rriten nëse ata zotërojnë mirë anglishten dhe kjo ka rëndësi të madhe për emigrantët në mënyrë që ata të kenë një jetë sa më të mirë të mundshme në Australi.

Testi i ri do të aplikohet duke filluar nga mesi i muajit nëntor 2020.