Shqipëria për herë të parë ofron bursa studimi për studentët e huaj me origjinë shqiptare, një inciativë kjo e ministrit të Shtetit për Diasporën e cila do të fillojë të zbatohet për vitin akademik 2020-2021.
Përgjegjëse për realizmin e procesit të dhënies së bursave është Agjencia Kombëtare e Diasporës e cila sot ka firmosur një marrëveshje bashkëpunimi me Agjencinë e Sigurimit të Cilësisë në Arsimin e Lartë (ASCAL), kjo për të përmbushur angazhimet në kuadër të Vendimit Nr. 686, datë 02.09.2020 të Këshillit të Ministrave “Për kriteret e dhënies së bursave për shtetasit e huaj me origjinë shqiptare, për të studiuar në Republikën e Shqipërisë, nga Agjencia Kombëtare e Diasporës për vitin akademik 2020-2021”.
Qëllimi i kësaj Marrëveshje është dhënia e bursave dhe përcaktimi i kritereve për përfitimin e tyre sipas programeve të studimit.
Kjo marrëveshje parashikon kriteret shtesë dhe fushat prioritare për shtetasit e huaj me origjinë shqiptare që do të aplikojnë për përfitimin e 9 bursave të studimi nga Republika e Shqipërisë për shtetasit e huaj me origjinë shqiptare nga Ukraina, komuniteti Arbëresh në Itali, Kroacia dhe Bullgaria për vitin akademik 2020-2021.
Sipas vendimit të Këshillit të Ministrave “Për kriteret e dhënies së bursave për shtetasit e huaj me origjinë shqiptare, për të studiuar në Republikën e Shqipërisë, nga Agjencia Kombëtare e diasporës për vitin akademik 2020-2021” kandidatët që dëshirojnë të aplikojnë për përfitimin e të drejtës së studimit në universitete shqiptare dhe bursë duhet të plotësojnë këto kritere:
Të jenë pjesë e komuniteteve shqiptare në Ukrainë; Arbëresh në Itali; në Kroaci dhe në Bullgari.
Të kenë mbaruar arsimin e mesëm me një mesatare të përgjithshme mbi 8 (tetë) ose të barasvlefshme me të;
Të mos jetë i diplomuar në ciklin e plotë të studimeve universitare;
- a) Të jenë studentë në një nga fushat prioritare të studimit, të përcaktuara sipas kësaj Marrëveshje;
- a) Shkencat shoqërore
- Psikologji
- Ekonomi dhe biznes
- Edukim
- Sociologji
- Ligj/drejtësi
- Shkenca politike
- Gjeografi
- Media dhe komunikim
4 i. Shkenca të tjera sociale
- b) Shkenca humane dhe arte
- Histori
- Arkeologji
- Gjuhë
- Letërsi
- Arte
- Shkenca të tjera humane
Marrë veshjen e plotë mund ta lexoni këtu:
