Sot zhvillohet në Spexana ( Spezzano Albanese) konkursi kombëtar për vajzat arbëreshe me kostume tradicionale.

Në këtë edicion të XVI- të marrin pjesë dhjetëra vajza nga lokalitete të ndryshme të Kalabrisë, Sicilisë dhe provincave tjera në Jug të Italisë, për të demonstruar edhe kësaj radhe bukurinë dhe identitetin e tyre arbëror.

Ndonëse për shkak të pandemisë COVID-19 shumë aktivitet janë anuluar ose shtyrë organizatorët kanë bërë të mundur që të vazhdojnë traditën duke e organizuar edhe këtë edicion të XVI, duke respektuar të gjitha masat e planit anti COVID-19.

Në këtë edicion, do të ketë edhe një risi, shpallja e një çmimi të ri, të titulluar: “Miss Arbëreshe Social”. Vajza arbëreshe që do të marrë më shumë pëlqime në rrjetin social facebook, do të kurorëzohet me këtë çmim.