Balerini i njohur shqiptar Kledi Kadiu ka qenë i ftuar pasditen e djeshme në Rai Uno ku ka treguar historinë e tij të largimit nga vendlindja.

Prezantuesi i ka kërkuar Kledit që të ndajë me publikun edhe një herë historinë e mbërritjes së tij në Itali, vështirësitë e ditëve të para dhe aventurën televizive në programin “Amici” të Maria De Filippit, nga vështirësitë e varfëria e deri të fama në televizionin italian. Një ëndërr e realizuar

Gjatë intervistë prezantuesi i ka kërkuar balerinit që të rikthehet dhe një herë pas në kohë e të kujtoj mbërritjen e tij në Itali. Kadiu teksa ka rrëfyer sërish për udhëtimin e tij me anijen Vlora, e ka cilësuar atë si “Udhëtimi i heshtjes”.

“Sepse ishim të gjithë entuziast dhe në ankth për të marrë (hipur) në këtë anije. Por unë sapo hipa në anije për pak ndërrova mendje sepse isha shumë i lidhur dhe vazhdoj të jem me familjen time mbi të gjitha me gjyshen time, e cila nuk jeton më. Me gjyshe Kimeten thotë Kledi teksa përlotet në transmetimin direkt të “Io e te”

“Gjyshja na ka rritur (nuk doja të qaja) …  mua dhe motrën time. Dhe pastaj më vonë mësova që kishin ardhur të gjithë në port” dhe më tej ai nuk arrin të përfundojë mendimin pasi emocionohet nga kujtimet” tha Kledi.

Me tej ai vazhdoi të rrëfejë rrugëtimin e tij drejt Italisë.

“Zbritja nga anija Vlora në Portin ë Barit, aty nuk na lanë të ankoroheshim menjëher por na lanë të prisnim, sepse kishin urdhrin që të mos e linin anijen të ankorohej. Që nga ky moment shumë bashkatdhetarë u hodhën nga anija në mënyrë që të arrinin në brigjet e Barit. Ditët e para në Itali, janë ditë që do ti kujtoj gjithë jetën. Jam më fat dhe i lumtur mund të them që kam pasur mundësinë të jetoj një moment të tillë, jetova tre ditë në “Stadio delle Vitorie” dhe dy në portin e Barit, në molin e Barit. Janë kohë që herë pas here i kujtoj me miqtë e mi  kur mblidhemi. Ishte një udhëtim që nuk e dija ku do të më çonte. Pastaj pjesa tjetër dihet tashmë”, përfundon Kadiu. / Diaspora Shqiptare