StartupItalia ka publikuar listën e 150 femrave që po ndryshojnë Italinë, për vitin 2020. Në listë është edhe shqiptarja Anita Likmeta.
Lindur në Durrës, Shqipëri ajo u transferua në Itali me familjen në moshën 11-vjeçare, së pari në qytetin e Pescaras dhe më vonë në Romë ku ndoqi Akademinë “Corrado Pani”.
Në vitin 2011 ajo u transferua në Paris, ku ajo do të zhvillojë esenë e saj historike, si dhe tezën e saj, të drejtuar nga profesori Giancarlo Giordano, për marrëdhëniet midis Shqipërisë dhe Italisë në periudhën nga 1922 deri në vitin 1943.
Gjithmonë në Paris, ajo njeh një realitet kulturor që e çoi atë të bashkë-drejtojë një dokumentar me drejtorin francez Kourtrajmé Mohamed Mazouz ku edhe intervistoi kandidatin për çmimin Nobel në letërsi dhe bashkatdhetarin Ismail Kadaré, artistin Kiki Picasso, artistin italian Tanino Liberatore si dhe politikanin francez Francois Asselineau.
Më 13 tetor të vitit 2013 gazeta “Il Fatto Quotidiano” boton një artikull të saj në të cilin flet për udhëtimin që e solli atë në Itali dhe vizionin e saj në lidhje me politikat e imigracionit. Nga Janari 2014 shkruan në Huffington Post. Nga Prilli deri në Gusht 2015 bashkëpunoi në faqen kulturore IlGiornaleOff të Il Giornale.
Likmeta është diplomuar për letërsi dhe filozofi në Universitetin e Romës, La Sapienza. Ajo është historjane dhe filozofe që ka pasion komunikimin digjital. Është gazetare, krijuese dokumentaresh, blogere, tekst shkruese si dhe stratege dixhitale.
Që nga viti 2019 ajo është partnere dhe këshilltare në “Creation Dose”. Në vitin 2020 ajo themeloi median online TheAnsware. Ajo është menaxhere PR në Open-Box, agjensia italiane e komunikimit me zyra në Arezzo, Milano, Romë dhe Londër. Si dhe është anëtare dhe Drejtore e Komunikimit e Agora Europe me zyra në Bruksel dhe Hendaye.
“Gratë e Pandalshme” është një projekt i lindur fillimisht nga një listë prej 150 femrash të cilat merreshin me gjëra inovative në Itali.
Ato janë themeluese, menaxhere, aktiviste apo studiuese. Pra, gra që mund të jenë shembull për t’u pasur.
Me kalimin e kohës, “Gratë e Pandalshme” janë bërë një kolonë editoriale dhe një komunitet prej rreth 2,000 femrash.
