Në një ceremoni festive që ka zgjatur më shumë se dy orë organizuar për Ditën Kombëtare të Zvicrës, janë vlerësuar shumë persona që kanë ndihmuar në situatën e krijuar nga pandemia Covid-19. Mes tyre edhe shqiptarja Xhemile Fetaji të cilës , presidentja e konferderatës, Simonetta Sommaruga i ka akorduar titullin “Hero i përditshmërisë”

Sommaruga duke përmendur meritat e të gjithë njerëzve në luftën me koronavirusin u shpreh:

“Një grua dhe një burrë nga çdo kanton, si dhe nga zviceranët që jetojnë jashtë vendit, nderohen për kontributin e veçantë të dhënë për shoqërinë tonë gjatë kohës së masave kundër koronës. Ky kontribut konsiston, në çdo hallkë të shërbimit në komunitet, në transportin publik, në supermarkete apo farmaci, në ekipin kantonal të krizave ose në blerje për fqinjët e moshuar, në njësinë e kujdesit intensiv të spitalit ose në qendrat e të moshuarve”.

Presidentja në shenjë mirënjohjeje simbolikisht u ka dhuruar të gjithë “heronjve” nga një fidan molle, të cilin ata duhet ta mbjellin në kantonin ku jetojnë.

Xhemile Fetaji është e angazhuar në sferën e integrimit, migracionit dhe të të drejtave të gruas në kantonin e Thurgaut. Në zgjedhjet e kaluara ajo kandiduar për t`u zgjedhur deputete në Parlamentin e kantonit të saj.

Ceremonia e plote këtu. Momenti i dhënies se titullit minuta 02:06:00

https://www.missione1agosto.org/livestream/