Xhani De Biazi është trajneri më i ri i Azerbajxhanit, duke i dhënë kështu fund papunësisë. Nëpërmjet faqes zyrtare, ish-trajneri i Shqipërisë, ka njoftuar ditën e sotme ka firmosur një kontratë deri më 30 nëntor të vitit 2021 me Federatën e Azerbajxhanit.

De Biazi do të nisë nga puna e re, ku shfaqet shumë i lumtur dhje shprehet se është gati për një sfidë të re. “Sot kam nënshkruar kontratën që më lidh me Azerbajxhanin deri më 30 nëntor 2021. Dëshira është e madhe për të filluar një tjetër sfidë të madhe”, shkruan De Biazi.

De Biasi ka vendosur të përfshijë në stafin e tij edhe një shqiptar dhe bëhet fjalë për ish-kapitenin e skuadrës sonë kombëtare Ansi Agolli me këtë të fundit që 8 vjet të karrierës së tij i ka kaluar pikërisht në kampionatin azer me skuadrën e Qarabag, shkruan java.

Agolli e ka nisur karrierën si futbollist tek Tirana dhe është aktivizuar edhe në futbollin zviceran përpara se të transferohej tek Qarabak, ekip me të cilin ka fituar disa trofe dhe arritjen më të madhe e ka luajtjen në Champions League.

Gianni De Biasi në karrierën e tij ka drejtuar edhe skuadra si Modena, Torino e Levante u shndërrua në heroin e futbollit shqiptar teksa bëri të mundur që Kombëtarja kuqezi të shkruajë historinë me pjesëmarrjen e saj në Euro 2016, pasi ishte hera e parë që ajo kualifikohej në fazën finale të një kompeticioni të madh siç ishte evropiani i Francës.

Në rang klubesh, De Biasi ka punuar herën e fundit me Deportivo Alaves në 2017 nga ku u largua pas vetëm pak javësh.