Armando Vajushi ka dal pozitiv me COVID-19 dhe është i izoluar. Sulmuesi shkodran, pjesë e Petrolul Ploiesti në Rumani u testua të enjten e kaluar dhe doli pozitiv, sikurse edhe pesë lojtarë të tjerë të skuadrës së tij, që u izoluan menjëherë. Dje ata munguan në ndeshjen kundër Rapid Bucuresti.

Sa i përket ndeshjes, Petrolul i pati të gjitha mundësitë të fitonte, por nuk ia doli mbanë. Miqtë luajtën prej minutës së 28-të me një lojtarë më pak, ndërkohë që skuadra e Vajushit fitoi një penallti në minutën e 68-të. Portieri Popa e priti penalltinë, por duke e kaluar vijën fatale.

Armando Vajushi është një futbollist që e ka nisur karrierën tek Vllaznia e Shkodrës në vitin 2009, kur ishte vetëm 17 vjeç.

Pas tre sezonesh në Shkodër ai u transferua në Bullgari tek Litex dhe më pas kaloi në Itali tek Chievo.

Në Itali, ai ka luajtur edhe për Livornon, Pro Vecelli dhe Avellino.

Në vitin 2018 do të rikthehej sërish në kampionatin shqiptar ku do të luante për një vit me Teutën e Durrësit dhe në 2019 u transferuar tek Petrolul, Rumani.

Ai është pjesë e kombëtares shqiptare që prej viti 2011, ku në 6 ndeshje ka shënuar edhe një gol.