Më 10 Korrik të vitit 1821 ka vdekur Engjëll Mashi, studiues i njohur arbëresh. U lind në vitin 1758 në Kalabri. Pasi kreu studimet e larta në Napoli në vitin 1807, botoi në italisht librin: “Ligjëratë mbi prejardhjen, traditat dhe gjendjen aktuale të kombit shqiptar”.

Vepra pati ndikim pozitiv tek arbëreshët e Italisë dhe rilindësit shqiptarë. Botimi i parë i saj u përkthye frëngjisht nga gjeografi i njohur Maltebrun duke i bërë të njohur shqiptarët në botën e jashtme.

Në Kalabri eshte komuniteti më i madh arbëresh dhe çdo vit organizojnë aktivitete kulturore të vazhdueshme.

Organizimi i tyre synon ruajtjen e gjuhës, kulturës dhe traditave në komunitetin arbëresh, veçanërisht te fëmijët.