Gazeta prestigjoze Amerikane, “The New York Times”, ka publikuar një artikull se ku qytetarët amerikanë mund të kalojnë pushimet në kohë pandemie.

Dy prej vendeve të listuara, janë edhe Shqipëria me Kosovën. Në listë gjithashtu janë edhe vende të tjera të Ballkanit si Maqedonia e Verit, Greqia, Kroacia apo edhe Serbia.

Në artikull shkruhet:

Edhe pse shumë vende mbeten jashtë kufijve për vizitorët amerikanë për shkak të shkallës së lartë të të infektuarve me koronavirus në Shtetet e Bashkuara, shumë shtete të tjera kanë filluar të mirëpresin qytetarët e ShBA-së si turistë.

Shqipëria

Shqipëria rihapi kufijtë e saj në fillim të qershorit me masa të zgjeruara ekzaminimi dhe karantine. Sidoqoftë, për shkak se numri i rasteve të koronavirusit në vend është duke u rritur, Ambasada e Sh.B.A në Shqipëri ka pezulluar të gjitha aktivitetet përveç shërbimeve të urgjencës.

Kosova

Kosova është e hapur për vizitorët pa kufizime për Covid-19, megjithëse rekomandohet që udhëtarët të kenë bërë testin dhe të jetë negativ të paktën brenda katër ditëve nga mbërritja. Zyrtarët në Aeroportin Ndërkombëtar të Prishtinës po kërkojnë që ata që vijnë ose nisen të shoqërohen nga vetëm një person për të ulur bllokimet.

Vendet e tjera që janë në listë:

Britani e Madhe, Ukraine, Turqi, Tanzania, Serbia, Maqedoni e Veriut, Meksikë, Maldive Xhamaika, Polinezia Franceze, Ekuador, Kroacia, Bermuda, Belize, Barbados, Bahamas Aruba dhe Antigua dhe Barbuda