Këngëtarja e njohur shqiptare Elina Duni nëpërmjet një statusi në “Facebook” ka bërë me dije se do të jetë në Pezë, Tiranë, për një shfaqje më 9 korrik 2020.

Ajo ka njoftuar se sëbashku me të do të jenë edhe Rob Luft, Gent Rushi, Oda Haliti, etj.

Kush është Elina Duni: Ajo është larguar nga Shqipëria për në Gjenevë, Zvicër në moshën 10 vjeçare, ku ka jetuar sëbashku me nënën e saj.

U specializua në rrymën “Jazz” pranë Universitetit të Arteve në Bern të Zvicrës dhe që nga viti 2004 ajo luan së bashku me kuartetin nën emrin e saj.

Stili i saj inovativ në rrymën “Jazz”, me një ndikim të madh nga muzika popullore shqiptare, u vlerësua me nominimin për çmimin Swiss Music Prize në vitin 2017.

Ajo merret me muzikën jazz por është e njohur për rrymën etno jazz ku disa këngë të vjetra shqiptare i ka ripërpunuar dhe i ka sjellë në këtë zhanër.

Publikimet e saj:

2007 – Baresha

2010 – Lume, Lume

2012 – Matanë Malit

2014 – Muza e zezë

2015 – Dallëndyshe

2018 – Partir