Këshilli Koordinues i Diasporës ka realizuar një takim online me kryetarin e Partisë Demokratike z. Lulzim Basha, ku ka kërkuar mbështetjen e opozitës për garatimin e  të drejtës së votës të shtetasve shqiptar që jetojnë jashtë vendit.

Kryetari i Këshillit Koordinues të Diasporës z. Mark Gjonaj u shpreh se tre janë pikat që KKD kërkon të realizohen: sigurimi i votave të Diaspores për zgjedhjet e ardhshme parlamentare, listat e hapura si dhe garanci për pjesëmarrjen e përfaqësuesve të KKD-së dhe Diasporës në procesin e implementimit (regjistrimit të listë së zgjedhësve) si dhe në procesin e numerimit.

Në takim Basha u shpreh se PD është e gatshme për implementimin e votës së Diasporës, por nuk dha garanci pasi për të varet nga Qeveria që është pergjegjësja kryesore. “PD ka në dorë vetëm mbeshtetjen politike” tha ai.

Më tej ai tha se “Një nga gjërat që theksoj është që e gjithë PD është shumë e interesuar dhe e vlerëson rolin që ka Diaspora, jo vetëm që ka dhënë deri tani por ajo është pasuri e madhe e vendit. Duhet të marrë më shumë pjesë, duhet të përfshihet me eksperiencën që ka”,  duke shtuar se pikërisht Diaspora duhet vijë të bëjë ekspertizën, të ofrojë konsulta pasi ne kemi kemi specialist të mrekullueshëm nga Diaspora.

Z. Basha tha se PD ka qenë gjithmonë pro votës së Diasporës, por kjo duhet të realizohet bashkarisht dhe t’ju sigurohet garancia e votës që të mos manipulohet vota e Diasporës ndërkohë që u deklarua pro pranisë së përfaqësuesvë të KKD në Komisionin Zgjedhor por edhe të marre pjesë në monitorimin, ne numërimin edhe gjatë procesit të zgjedhjeve.

Ai propozoi që të ngrihet një grup pune i përbashkët bashkë me shtetin, qeverinë, në mënyrë që implementimi i votës së Diasporës , të sigurohet dhe të kryhet me sukses.

Ndërsa pyetjes nëse do të ishte i gatshem për një takim, me Ramën dhe Meten ju përgjigj pozitivisht duke thënë se është një takim që e ka pritur që në fillim.