Betime Bezgati me origjinë nga Serbica e Kërçovës, është zgjedhur si nxënësja më e mirë në shkollën e mesme në Aurora të Amerikës.
Gjatë viteve të studimit arriti rezultate maksimale.
Ajo u vlerësua me diplomën e “Nderit më të lartë” (Summa Cum Laude).
Ambiciet e saj dhe dëshirat e mëtejshme janë studimet në degën e Fizikës në “Missouri State University” me synimin për t’u bërë optometriste.
Vajza shqiptare ndonëse ka lindur dhe është rritur në Aurora, Missouri të SHBA-së, e flet dhe e shkruan qartë gjuhën shqipe, të cilën e ka kultivuar nga dëshira e prindërve të saj për të përcjellë kulturën e vendit të origjinës.
