“Prospect Academy” është një projekt i nisur rreth 1 vit më parë që ka bërë bashkë shumë të rinj shqiptarë në Angli. Këta djem që zhvillojnë përgatitjet në Londër synojnë të bëhen pjesë e turneve të organizuar nga Federata Angleze e Futbollit.
“Jemi në fazën e aprovimit nga Federata Angleze e futbollit si skuadra e parë shqiptare në vend. Gjithashtu jemi në mbështetje dhe synojmë të ndërgjegjësojmë të rinjtë shqiptar që të zgjedhin një rrugë të mirë siç është ajo e sportit”, thotë Albano Gjonaj, pjesëtar i akademisë.
Me stemën kuqezi dhe shqiponjën dy krenare, si simbole të padiskutueshme të ekipit nismëtarët thonë se ndër të tjera synojnë edhe përmirësimin e imazhit të shqiptarëve në Angli.
“Prospect academy” ka qenë gjithashtu edhe një trampolinë për të rinjtë të cilët kanë firmosur me ekipe profesionistë në Finlandë, Suedi apo edhe Kosovë. Klan