Mark Gjonaj, kryetar i Këshillit Koordinues të Diasporës dhe njëkohësisht këshilltar i Bashkisë së Nju Jorkut ka zhvilluar një takim me përfaqësues të bizneseve të vogla të qytetit.

Takimi u realizua në kuadër të rihapjes së bizneseve pas izolimit për shkak të pandemisë Covid-19. Gjonaj diskutoi me pronarët e bizneseve rreth gjendjes ekonomike dhe sfidave të fazës së rihapjes, i shoqëruar dhe nga Presidenti i Dhomës së Tregtisë në Bronx e ekspertë të tjerë fushës së biznesit në Nju Jork.

Gjatë dy mandateve të tij si këshilltar i bashkisë së Nju Jorkut Gjonaj ka ndërmarre disa nisma në mbështetje të biznesit të vogël. Me herët ai është shprehur se janë kryesisht familje emigrantësh të cilët drejtojnë këto biznese të cilët janë kategoria më vulnerabël e shoqërise dhe ata që preken të parët nga ndryshime te tilla.