Nuk janë të paktë ata shqiptarë të cilët kanë tërhequr vëmendje për aktet e tyre të bamirësisë nëpër botë. Listës së gjatë i përket edhe një shqiptar nga komuna e Gjilanit, Kosovë, i cili fatkeqësisht humbi jetën më 6 maj në Gjermani nga virusi Covid-19.
Myshyr Shabani pak para se të ndërronte jetë ndihmoi disa familje pakistaneze në gjendje ekonomike të rënduar,.
Ai i siguroi komunitetit në vështirësi në Pakistan ndërtimin e një pusi me ujë të pijshëm.
Shabani nuk arriti ta shoh të përfunduar projektin e bamirësisë së tij i cili përfundoi sot, lajm të cilin e ka bërë të ditur familja e tij në Mediafokus.info nëpërmjet fotove.
Sipas kësaj medie Myshyr Shabani ka ndihmuar falë pasurisë së ngritur prej 20 vitesh në Gjermani, edhe gjashtë familje shqiptare për dokumentacionin e lejeqëndrimit të përhershëm në këtë shtet.