Mjeku Pashko Rrok Camaj tregon për situatën e COVID-19 në SHBA dhe kryesisht në zonën e New York. Situata në SHBA vazhdon të mbetet shqetësuese sepse numrat janë ende të lartë me 1.3 milionë tē infektuar dhe mbi 78 mijë viktima. Qyteti i New York është kthyer në epiqendrën e kësaj epidemie.
“Në qytetin e New York numrat shënojnë një rënie dramtike, në 6 prill kishte 6000 raste në ditë ndërsa më 6 maj vetëm 60 raste në ditë. Kjo rënie na jep shpresë dhe do vazhdojmë të kemi kujdes çdo ditë për të patur të njëjtën ecuri. Por njerëzit duhet të kthehen në punë, duhet t’i kthehen jetës sepse shëndeti i gjithësecilit është po aq i rëndësishëm sa ana financiare. Të gjithë kemi nevojë që bizneset të hapen. Sipas meje nga kjo hapje e bizneseve nuk duhet të themi se e kemi kaluar krizën e pandemisë dhe duhet të kemi kujdes dhe secili biznes duhet tê zbatojë rregullat e caktuara nga qeveria”, shprehet mjeku.
Sipas Dr. Camaj nuk mund të kalojmë menjëherë në normalitet sepse duhet një proçes gradual. Distanca shoqërore ose sociale është e nevojshme në çdo moment në këtë periudhë. Gjithashtu mjeku ka theksuar se e rëndësishme për këtë virus është gjetja e vaksinës. Ai shprehet se bota është në hapat e duhur për gjetjen e kurës dhe se janë bërë hapa gjigandë drejt saj.
“Vaksina të merr një kohë të gjatë për t’u prodhuar në kushte normale, por këto kushte që kemi nuk janë normale. Këto hapa që janë bërë për 2-3 muaj në kohë tjetër do të ishin bërë për 1 vit”, përfundon mjeku.
Burimi origjinal, këtu:
