Së fundmi në televizionet ARD dhe SFR është shfaqur filmi “Der Zürich-Krimi”, ku luan edhe aktori kosovar Ilir Rexhepi. Madje Rexhepi nuk është vetëm aktor por produksioni është bërë prej tij. Filmi është një bashkë punim gjermano-austriak dhe xhirimet janë bërë kryesisht në Çeki por edhe në Zyrih të Zvicrës.

“Filmi ka të bëjë me një familje biznesmeni ku shfaqen anët pozitive dhe negative të tyre. Flitet për krimin e organizuar, lëndë narkotike por edhe për bizneset edhe dashurinë e një të riu me një vajzë zviceriane. Roli im është ai i një shqiptari dhe bashkë me dikë tjetër jemi si drejtues të një bande aty. Besoj se do t’i pëlqejë edhe publikut dhe nuk kam dēshirë që të flas para kohe sepse shpresoj që njerëzit ta shikojnë. Kur xhironim në Zvicër jam ndjerë shumë i lumtur sepse kisha dëgjuar nga kolegët e mi shumë fjalë të mira për shqipëtarët atje. Madje një ditë pata rastin të takoja një prej tyre, sepse e dëgjova rastësisht ty fliste shqip”, shprehet Ilir Rexhepi.

Prej një kohe të gjatë aktori jeton në Gjermani dhe rolet e tij kryesisht kanë qenë në seriale. Sipas tij serialet filmike që luan më shumë janë ato që shfaqen në mbrëmje sepse ato kanë më shumë shikueshmëri dhe ai i krahason ato me filmat për nga cilësia e lartë artistike. Madje në një film me metrazh mbi 60 minuta i ka rënë rasti të luajë rolin e një serbi dhe sipas Rexhepit kjo është gjë e mirë sepse më parë shqiptarëve as nuk bëhej fjalë t’u ofroheshin role të tilla.

Burimi origjinal, këtu: