Kryeinfiermierja Hadije Hoti nga Londra ka rrëfyer për situatën në spitalin ku ajo punon. Hoti punon në departamentin e radiologjisë prej 12 vitesh dhe tregon se vështirësitë janë të shumta. Nga situata e pandemisë së COVID-19 vështirësitë janë shtuar duke përfshirë edhe mungesën e masave mbrojtëse në disa raste apo edhe probleme me testimet e pacientëve.
“Pas disa vështirësish situata tani është e qëndrueshme. Në Angli ka pasur një numër të madh viktimash dhe kjo mendoj se ka ardhur nga izolimet dhe testimet e vonuara të pacientëve. Sipas statistikave të fundit mund të themi se e kemi kaluar pikun madje edhe në departamentin tim situata është më ndryshe. Edhe pse situata në 4 javët e fundit ishte e vështirë, sidomos në momentet e pikut, ne si personel mjekësor jemi munduar të jemi afër pacientëve pa pasur parasysh rrezikun personal. Pas indetefikimit të rasteve të para këtu secili spital përfshirë edhe spitalin ku unë punoj kanë kryer trajnime brenda ambienteve të spitaleve për mjekët që ta përballojmë sa më mirë këtë situatë”, shprehet infiermierja.
Hadije Hoti gjithashtu ka thënë edhe këshilla për kolegët e saj shqipëtarë duke i thënë se duhet të reflektojnë dhe se duhet të gjejnë qetësinë e tyre që të përballojnë sa më mirë situatën.
“Kur flet me njerëz që kanë kaluar të njëjtat gjëra si ty dhe janë në të njëjtën situatë secili ndihet më mirë shpirtërisht. Komunikimi i mjekëve me njeri-tjetrin është i rëndësishëm sepse i jep mundësi të gjithëve të tregojnë eksperiencën”, përfundon Hoti.
Burimi origjinal, këtu:
